Edon Zhegrova, anësori i kombëtares së Kosovës dhe Juventusit, ka tërhequr vëmendjen e tifozëve me një veprim të veçantë gjatë ndeshjes së fundit kundër Hellas Veronës, ku ia futi topin mes këmbëve kundërshtarit. Megjithëse luajti vetëm 11 minuta dhe nuk arriti të shënojë, ai tregoi driblime të bukura dhe ishte pranë golit, por shtylla i mohoi gëzimin. Ultrasit e Juventusit e vlerësuan shumë këtë paraqitje dhe lidhjen që krijoi me ta, pasi Zhegrova ishte i vetmi lojtar që iu afrua “Curva Sud” për t’ia dhënë fanellën njërit prej tifozëve pas ndeshjes. Megjithatë, e ardhmja e tij në Torino mbetet e pasigurt, pasi në sezonin e tij të parë në Itali nuk ka arritur të nisë si titullar në Serie A dhe nuk ka kontribuar me gola apo asistime.