Edon Zhegrova po përballet me sfida të mëdha te Juventusi, pasi u la jashtë listës për ndeshjet e Ligës së Evropës dhe tani rrezikon të përjashtohet edhe nga lista për Serie A. Kjo situatë lidhet me lëndimin e rëndë të kapitenit Manuel Locatelli, që do të mungojë për rreth pesë muaj, duke detyruar klubin të kërkojë një zëvendësues në mesfushë. Një prej opsioneve është ish-mesfushori i Interit, Marcelo Brozoviq, i cili mund të regjistrohet vetëm nëse Juventusi lirojnë një vend për një lojtar të huaj në listën e Serie A. Për këtë arsye, emri i Zhegrovës është përmendur si kandidati kryesor për t’u larguar nga lista, duke i hapur rrugë Brozoviqit dhe duke komplikuar më tej situatën e sulmuesit kosovar te skuadra torineze.