Edon Zhegrova u transferua te Juventus verën e kaluar me pritshmëri të mëdha, por sezoni i tij u shënua nga mungesa e golave dhe asistimeve, një situatë që nuk kishte ndodhur për 15 vjet me një sulmues krahu te bardhezinjtë. Pas një periudhe mungese prej 9 muajsh për shkak të një ndërhyrjeje kirurgjikale, Zhegrova nuk arriti të siguronte vendin e titullarit dhe nuk e shfrytëzoi si duhet shanset që iu dhanë gjatë sezonit. Ai humbi raste kyçe, përfshirë një penallti në kohën shtesë ndaj Galatasaray, një goditje në shtyllë në ndeshjen me Veronën dhe një gjuajtje të dobët ndaj Fiorentinës, që ndikuan në fatin e skuadrës. Trajneri Spalletti vlerësoi negativisht mungesën e vendosmërisë së Zhegrovës, duke lënë të hapur të ardhmen e tij te "Zonja e Vjetër".