Zinedine Zidane ka refuzuar ofertën për t’u rikthyer si trajner i Real Madridit për herë të tretë, pasi kishte dhënë fjalën Federatës së Futbollit të Francës. Sipas raportimeve të “Diario AS”, Reali e kontaktoi Zidanen që në muajin dhjetor për të zëvendësuar Xabi Alonson, i cili u shkarkua nga posti i trajnerit. Megjithatë, Zidane e lajmëroi klubin se kishte një marrëveshje të mbyllur me Federatën Franceze, ku pritet të marrë drejtimin pas Kupës së Botës 2026, duke zëvendësuar Didier Deschamps. Real Madrid po kalon një periudhë të vështirë sportive, dhe pas largimit të Alonson dhe pritshmërive për shkarkimin e Alvaro Arbelos, klubi po kërkon trajner të ri për të përmirësuar situatën.