Mostrat e marra nga asteroidi Ryugu, një trup qiellor i klasës C dhe i pasur me karbon, kanë zbuluar për herë të parë të gjitha nukleobazat kyçe që formojnë ADN-në dhe ARN-në, duke përfshirë adeninë, guaninë, citozinë, timinë dhe uracilin. Këto zbulime janë rezultat i analizave të kampioneve të sjella në Tokë nga sonda japoneze Hayabusa-2, e cila nisi misionin në vitin 2014 dhe dorëzoi materialin në vitin 2020. Ekipi i udhëhequr nga Toshiki Koga thekson se ky fakt nuk do të thotë se në Ryugu ka pasur jetë, por tregon se asteroidët primitivë mund të prodhojnë dhe ruajnë molekula të rëndësishme për origjinën kimike të jetës.