Përdoruesit e aplikacionit Viber në disa vende tani mund të përdorin inteligjencën artificiale ChatGPT direkt brenda platformës, falë bashkëpunimit mes Rakuten Viber dhe OpenAI. Ky integrim e bën të mundur përdorimin e ChatGPT-së si një kontakt të veçantë në biseda individuale dhe grupore, ku përdoruesit mund të kërkojnë ndihmë për pyetje, përkthime, ide apo edhe përpunim të fotografive me funksionin “Image Remix”. Përveç kësaj, asistent AI ofron edhe shërbime si përmbledhje bisedash, analizë dokumentesh dhe korrigjim mesazhesh para dërgimit. Qëllimi i këtij bashkëpunimi është ta bëjë inteligjencën artificiale më të aksesueshme dhe të integruar në komunikimin e përditshëm, duke qenë e disponueshme për pajisjet Android dhe iOS pas përditësimit të aplikacionit.