Ministri i transformimit digjital, Stefan Andonovski, deklaroi se ndërtimi i data-qendrave nuk do të shkaktojë dëme në mjedisin jetësor. Ai theksoi se nuk do të priten drunj dhe nuk do të lejohet asnjë ndikim negativ ndaj natyrës, ujit apo ajrit. Data-qendrat do të vendosen në zona teknologjike të zhvilluara, kryesisht në hapësira ku tashmë ekzistojnë fabrika, duke shmangur ndikimet e reja mjedisore. Andonovski shtoi se çdo investim do të kalojë nëpër elaborat të posaçëm për mjedisin dhe se nuk do të tolerohet asnjë keqpërdorim apo rrezik për ambientin gjatë ndërtimit të këtyre qendrave.