Në Stockholm u mbajt konferenca Technovation Smoke-Free 2026, e organizuar nga Philip Morris International, ku ekspertë dhe politikëbërës diskutuan mbi inovacionet dhe politikat që po ndryshojnë tregun global të nikotinës. Fokus i veçantë u vu në modelin suedez, ku përdorimi i alternativave pa tym ka ulur ndjeshëm normën e duhanpirjes, duke u afruar pranë statusit “smoke-free”. Gjatë eventit u theksua rëndësia e teknologjisë dhe kërkimit shkencor në zhvillimin e produkteve që reduktojnë dëmin nga djegia e duhanit, si produktet me ngrohje të duhanit dhe qeskat e nikotinës. Debati për rregullimin e tregut u përqendrua në nevojën për balancim mes mbrojtjes së shëndetit publik dhe aksesit të duhanpirësve të rritur në alternativa më pak të dëmshme, duke paralajmëruar për pasojat negative të ndalimeve të ashpra.