Prishtina Mall sjell për herë të parë në Kosovë një ekspozitë unike edukative dhe argëtuese, e bazuar në teknologjinë e NASA-s dhe Agjencisë Evropiane të Hapësirës (ESA). Nga 9 maji deri më 28 qershor, fëmijët nga 5 deri në 12 vjeç do të kenë mundësinë të përjetojnë një aventurë interaktive në botën e hapësirës, duke eksploruar shkencën dhe misteret e galaktikës. Ekspozita me moton “Kërkohen astronautët e parë” synon të zgjojë kureshtjen dhe imagjinatën e të vegjëlve, duke kombinuar edukimin me argëtimin në një ambient të përshtatshëm për të gjithë familjen. Hyrja është falas, por shkollat duhet të rezervojnë paraprakisht për të siguruar vendet e limituara në këtë eksperiencë inovative.