Mijëra përdorues në mbarë botën kanë raportuar vështirësi në aksesimin e Facebook-ut, me më shumë se 11,000 ankesa të regjistruara në faqen Downdetector. Problemet kryesore lidhen me faqen e internetit të Facebook, ku mbi 60% e përdoruesve kanë hasur pengesa, ndërsa 16% kanë pasur vështirësi në logim. Në Kosovë gjithashtu janë evidentuar shqetësime, duke ndikuar në përdorimin normal të rrjetit social. Më së shumti janë prekur përdoruesit që përdorin versionin desktop, të cilët nuk mund të postojnë, ndajnë apo shikojnë përmbajtje në platformë.