Ferrari po përgatitet të rikthejë transmisionin manual në një model të ri me 12 cilindra, një lëvizje që do të shënojë rikthimin e parë të këtij lloji në gati 20 vjet. Sipas një raporti të The Supercar Blog, versioni me tre pedale mund të dalë në shitje që në korrik të vitit 2026, duke sjellë një eksperiencë më tradicionale drejtimi për entuziastët. Megjithatë, ky model nuk do të jetë i disponueshëm për masën e gjerë të konsumatorëve, pasi Ferrari planifikon ta prodhojë vetëm në disa qindra kopje të limituara dhe t'i rezervojë për klientë të përzgjedhur. Kjo nismë vjen pas zhgënjimit të disa fansave me mungesën e transmisionit manual në modelet e fundit të markës italiane.