Gjermania ka nisur instalimin urgjent të sistemeve moderne kundër dronëve në tetë aeroportet më të mëdha të vendit, përfshirë Frankfurtin, Berlinin, Mynihun dhe Hamburgun. Kjo masë vjen pas një rritjeje të incidenteve të sigurisë, ku dronë të paautorizuar janë vënë pranë zonave aeroportuale, duke shkaktuar shqetësim për rrezikun ndaj avionëve dhe pasagjerëve. Një rast i fundit në Leipzig, ku u gjet një dron dyshohet se transportonte eksplozivë pranë një avioni ukrainas, ka shtuar ndjeshëm alarmin e autoriteteve. Synimi është që deri në fund të vitit, këto aeroporte të jenë të pajisura me teknologjinë e re për zbulimin dhe neutralizimin e këtyre pajisjeve, duke e bërë mbrojtjen kundër dronëve një prioritet kryesor të sigurisë ajrore.