Google ka inauguruar një qendër të re të inteligjencës artificiale në Berlin si pjesë e një programi investimi prej 5.5 miliardë eurosh në Gjermani. Qendra do të bashkojë ekipet e Google DeepMind, Google Research dhe Google Cloud për të zhvilluar teknologji të avancuara të AI dhe për të rritur bashkëpunimin mes kompanive teknologjike, universiteteve dhe institucioneve shtetërore. Autoritetet gjermane kanë përshëndetur këtë investim si një hap të rëndësishëm për zhvillimin teknologjik të vendit. Në kuadër të iniciativës do të zhvillohen edhe projekte kërkimore në mjekësi, duke përfshirë përdorimin e AI në zbulimin e ilaçeve të reja, ndërsa analiza ekonomike parashikon një shtesë prej 440 miliardë eurosh në ekonominë gjermane deri në vitin 2034.