“Dita e Mjedrës 2026” organizohet për herë të pestë në Teneshdoll të Prishtinës, duke sjellë teknologjitë më të avancuara në kultivimin e mjedrës në Kosovë. Ky aktivitet mbledh fermerë, agronomë, kompani dhe ekspertë vendorë e ndërkombëtarë, të cilët do të prezantojnë praktikat më të mira dhe do të zhvillojnë demonstrime praktike në plantacionin demonstrues. Risia kryesore e këtij edicioni është prezantimi i inovacioneve të reja si kultivimi në vazo në fushë të hapur dhe në serra, sistemet moderne të hijezimit dhe zgjidhjet bashkëkohore për ujitje dhe menaxhimin e plantacioneve. Përmes diskutimeve dhe sesioneve të rrjetëzimit, pjesëmarrësit do të krijojnë mundësi bashkëpunimi dhe do të kontribuojnë në zhvillimin e qëndrueshëm të sektorit të mjedrës në Kosovë.