Instagram ka prezantuar funksionin e ri “Instants”, i cili lejon përdoruesit të ndajnë foto spontane dhe të pafiltruara me persona të caktuar. Fotot që dërgohen përmes këtij funksioni zhduken pasi të shihen nga marrësit, por ruhen në një arkiv privat të përdoruesit për një vit, ku më pas mund të rishpërndahen në formë përmbledhjeje në Stories. Përdoruesit mund të reagojnë dhe t’u përgjigjen fotove, ndërsa përgjigjet shkojnë drejtpërdrejt në mesazhet private (DM). Përveç funksionit, Instagram ka lançuar edhe aplikacionin shoqërues “Instants” që ofron qasje më të shpejtë në kamerë, aktualisht i disponueshëm në disa vende për pajisjet iOS dhe Android.