Ministrja e Arsimit dhe Shkencës, Vesna Janevska, theksoi se inteligjenca artificiale nuk është më vetëm një koncept i së ardhmes, por po bëhet pjesë e përditshmërisë në çdo klasë dhe në jetën e nxënësve. Ajo nënvizoi rëndësinë e drejtimit të këtij procesi dhe monitorimin aktiv të trendeve bashkëkohore për të përshtatur sistemin arsimor në kohë dhe në mënyrë substanciale. Një fokus i veçantë vihet në trajnimin e vazhdueshëm të mësuesve, për t’i përgatitur ata për përdorimin e mjeteve dixhitale dhe ndryshimet në procesin mësimor. Diskutimet në panelin "Klasa e së Ardhmes" trajtuan transformimin e arsimit në epokën dixhitale dhe sfidat që sjell kjo për mësuesit dhe nxënësit.