Apple po përgatit lançimin e iPhone Ultra, modelin e parë të palosshëm në historinë e kompanisë, i cili pritet të jetë edhe më i fuqishëm se modelet e mëparshme. Ky telefon do të përdorë çipin A20 Pro, të njëjtin që do të ketë edhe iPhone 18 Pro, por do të përfitojë nga një sistem i ri ftohjeje që synon të përmirësojë ndjeshëm performancën. Sistemi i ftohjes do të jetë një inovacion që do të debutojë fillimisht në iPhone Ultra dhe më pas do të aplikohet edhe në iPhone 20. Kjo teknologji pritet të ofrojë avantazhe të rëndësishme në përdorimin e përditshëm dhe në fuqinë e përgjithshme të pajisjes.