Ministri i Transformimit Digjital të Maqedonisë, Stefan Andonovski, ka nënshkruar një Memorandum Bashkëpunimi me Emirates Investment Group për krijimin e Qendrës së Inovacionit Digjital. Kjo marrëveshje synon të krijojë një kornizë bashkëpunimi për pozicionimin ndërkombëtar të iniciativës dhe përgatitjen e materialeve strategjike për investime. Memorandumi përfshin gjithashtu mbështetje këshilluese, harmonizim me praktikat më të mira ndërkombëtare dhe ndihmë në tërheqjen e investitorëve dhe partnerëve strategjikë. Ky hap konsiderohet kyç për forcimin e ekosistemit digjital në Maqedoni dhe për avancimin e vendit në fushën e teknologjive të avancuara dhe inovacionit.