Qeveria e Maqedonisë, e udhëhequr nga OBRM-PDUKM, ka arritur një përparim të rëndësishëm në fushën e sigurisë kibernetike duke ngjitur vendin nga pozicioni i 59-të në të 30-tin në Indeksin Kombëtar të Sigurisë Kibernetike me 84,17 pikë. Ky sukses është rezultat i masave të shumta, përfshirë miratimin e Ligjit të ri për sigurinë e rrjeteve dhe sistemeve informative, si dhe Strategjinë për siguri kibernetike 2025–2028 me Planin e Veprimit. Përveç kësaj, janë forcuar mekanizmat për koordinimin dhe reagimin ndaj incidenteve kibernetike, duke krijuar një infrastrukturë digjitale më të sigurt dhe mbrojtje më të mirë të të dhënave të qytetarëve. Qeveria e konsideron këtë përmirësim si një dëshmi të përpjekjeve të saj për ndërtimin e një shteti digjital më modern dhe të qëndrueshëm në interes të qytetarëve.