Meta ka njoftuar masa të reja për të mbrojtur fëmijët dhe adoleshentët në Instagram dhe Facebook, duke vendosur kufizime të rrepta në përdorimin e këtyre platformave për përdoruesit nën 18 vjeç në Shtetet e Bashkuara. Përdoruesit e rinj do të mund të përdorin rrjetet sociale vetëm dy orë në ditë dhe do të kenë akses të bllokuar nga mesnata deri në orën 06:00 të mëngjesit. Gjithashtu, Meta do të fshehë numrin e pëlqimeve për të miturit, në përpjekje për të reduktuar ndikimin negativ psikologjik. Megjithatë, ekspertët theksojnë se kufizimi i kohës nuk është zgjidhje e plotë, pasi mënyra e rekomandimit të përmbajtjes mund të krijojë varësi tek adoleshentët, duke i shtyrë ata të kërkojnë përdorim më të gjatë edhe pas kufirit të vendosur.