Mira Murati, themeluese e Thinking Machines Lab dhe ish-drejtoreshë teknologjike e OpenAI, ka arritur një marrëveshje shumëvjeçare me Nvidia për furnizim me çipa të avancuar të inteligjencës artificiale me vlerë dhjetëra miliardë dollarë. Në kuadër të marrëveshjes, Thinking Machines do të përdorë gjeneratën e re të çipave "Vera Rubin" të Nvidias, duke siguruar kapacitet prej të paktën një gigavati për trajnimin dhe funksionimin e modeleve të IA-së, me fillim në vitin e ardhshëm. Nvidia do të bëjë gjithashtu një investim të rëndësishëm në startup-in me seli në San Francisko, i cili vlerësohet aktualisht në 10 miliardë dollarë, ndërsa marrëveshja synon të përshpejtojë zhvillimin e teknologjive të inteligjencës artificiale të personalizuara për bizneset dhe komunitetin shkencor. Megjithatë, Thinking Machines ka përjetuar largime të disa bashkëthemeluesve dhe stafit teknik drejt OpenAI dhe Meta, ndërsa drejtuesit e Nvidia dhe Murati shprehen optimizëm për bashkëpunimin dhe potencialin e tij në fushën e IA-së.