Mira Murati dhe startup-i i saj, Thinking Machines Lab, po përgatiten të sjellin një ndryshim të madh në teknologjinë e Inteligjencës Artificiale. Ata kanë zhvilluar një model të ri IA, TML-Interaction-Small, i cili mund të bashkëbisedojë me përdoruesin në kohë reale, duke përpunuar dhe gjeneruar përgjigje në të njëjtën kohë, një proces i njohur si “full duplex”. Ky model përgjigjet në vetëm 0.40 sekonda, shpejtësi kjo që i afrohet komunikimit normal njerëzor dhe tejkalon dukshëm modelet ekzistuese të OpenAI dhe Google. Kjo risinë mund të ndryshojë mënyrën se si njerëzit ndërveprojnë me chatbot-et, duke e bërë komunikimin më natyral dhe më efikas.