Mjeku shqiptar Edvin Prifti ka njoftuar se produkti i tij mjekësor “Spike Protect”, i cili synon të bëjë të padëmshme proteinën Spike të prodhuar nga virusi SARS-CoV-2 dhe vaksinat kundër COVID-19, ka marrë miratimin rregullator për tregun evropian. Ai ka bërë të ditur se produkti do të dalë në treg brenda pak javësh dhe do të jetë i disponueshëm në të gjithë Evropën, përfshirë Shqipërinë. Pas miratimit të patentës, Prifti ka dhënë teknologjinë pa pagesë industrisë farmaceutike spanjolle, duke shprehur shpresën se “Spike Protect” do të ndihmojë në parandalimin e komplikacioneve të lidhura me COVID-19, vaksinat dhe Long COVID. Në reagimin e tij, ai falënderoi kompanitë që bashkëpunuan në zhvillimin e produktit dhe theksoi synimin për të ofruar një çmim sa më të ulët për qytetarët.