Ministri i transformimit digjital në Maqedoninë e Veriut, Stefan Andonovski, ka deklaruar se aktualisht nuk ka plane për kufizimin e përdorimit të rrjeteve sociale nga fëmijët, ndonëse disa vende evropiane kanë ndërmarrë masa të tilla. Ai theksoi se qeveria po fokusohet në fushata ndërgjegjësuese dhe në rritjen e kontrollit nga ana e prindërve, të cilët janë përgjegjës për edukimin digjital të fëmijëve të tyre. Andonovski përmendi vështirësitë praktike të ndalimit ligjor, duke theksuar se fëmijët shpesh përdorin pajisje të blera nga prindërit dhe mund të përdorin dokumente të tyre për akses. Ai gjithashtu njoftoi se po punohet për ndalim të përdorimit të telefonave celularë në shkolla, si në arsimin fillor ashtu edhe në atë të mesëm, në bashkëpunim me Ministrinë e Arsimit.