Një ish-punonjës i kompanisë Meta është nën hetim pasi dyshohet se ka shkarkuar rreth 30,000 fotografi private të përdoruesve të Facebookut gjatë kohës që punonte për kompaninë. Ai besohet se kishte krijuar një program që i mundësonte qasje në këto fotografi duke shmangur rregullat e sigurisë të platformës. Meta ka bërë të ditur se shkelja u zbulua një vit më parë dhe menjëherë u njoftuan autoritetet në Britani, ndërsa përdoruesit e prekur janë informuar për incidentin. Kompania ka identifikuar personin e dyshuar dhe ka forcuar masat e sigurisë për të parandaluar ngjarje të ngjashme në të ardhmen.