Komuna e Rahovecit ka nisur një projekt të rëndësishëm për digjitalizimin e shkollave, duke vendosur tabela digjitale në institucionet arsimore të saj. Aktualisht janë instaluar 14 tabela, ndërsa plani parashikon vendosjen e gjithsej 135 tabelave digjitale në të gjitha shkollat e komunës. Ky projekt synon të përmirësojë cilësinë e mësimdhënies dhe të ofrojë një proces mësimor më bashkëkohor dhe interaktiv. Përmes kësaj nisme, pritet që nxënësit të zhvillojnë kompetenca dhe shkathtësi të reja, duke u përgatitur më mirë për sfidat e së ardhmes.