Qeveria shqiptare ka bërë hapin e parë drejt përafrimit me Bashkimin Evropian në fushën e Inteligjencës Artificiale, duke hedhur për konsultim publik projektligjin e ri “Për Inteligjencën Artificiale”. Ky ligj synon të krijojë një kuadër ligjor të rreptë që rregullon zhvillimin, vendosjen në treg dhe përdorimin e sistemeve të IA-së, duke u bazuar në Aktin Evropian për Inteligjencën Artificiale dhe duke adresuar mungesën e rregullave të qarta që deri tani kanë krijuar pasiguri juridike dhe rrezik për të dhënat personale.