Drena Kusari, eksperte shqiptare në teknologji, është emëruar Corporate Vice President dhe General Manager në Microsoft, duke u bërë një nga drejtueset më të larta në këtë kompani globale. Ajo ka ndarë lajmin përmes një postimi në LinkedIn, duke shprehur gëzimin për këtë sfidë të re në karrierën e saj. Kusari ka një karrierë të pasur në kompani të mëdha si Goldman Sachs, McKinsey, Lyft dhe Bumble, dhe është një nga figurat shqiptare më të suksesshme në industrinë globale të teknologjisë. E lindur në Gjakovë, Kosovë, ajo është shpërngulur në SHBA pas luftës në Kosovë dhe ka përfunduar studimet në Occidental College dhe Harvard Business School.