Automjetet elektrike ofrojnë avantazhe të shumta, përfshirë drejtimin më të qetë dhe konsum më efikas të energjisë, por sistemi “One Pedal Drive” po ngre shqetësime për sigurinë në trafik. Ky funksion lejon shoferin të përshpejtojë dhe ngadalësojë makinën vetëm me pedalin e gazit, duke përdorur frenimin rigjenerues kur hiqet këmbë nga pedali, por kjo mënyrë drejtimi po lidhet me rritje të situatave të rrezikshme, sidomos gjatë nisjes nga vendi dhe manovrave në hapësira të ngushta. Studiuesit kanë analizuar qindra aksidente dhe kanë vërejtur se automjetet me këtë teknologji shfaqen më shpesh në përplasje me këmbësorë në shpejtësi të ulët, për shkak të ngatërrimit të reagimit të makinës nga shoferët. Prodhuesit po punojnë për përmirësime në softuer dhe sisteme sigurie që do ta bëjnë drejtimin me një pedal më intuitiv dhe më të sigurt për përdoruesit.