Në hapjen e edicionit të 17-të të konferencës shkencore "Java e Albanologjisë", ministri në detyrë i Arsimit dhe Shkencës, Hajrullah Çeku, theksoi nevojën që gjuha shqipe të zhvillohet teknologjikisht për të mos u margjinalizuar në epokën digjitale. Ai nënvizoi rëndësinë e krijimit të korpuseve moderne, fjalorëve dixhitalë, mjeteve për përkthim automatik dhe sistemeve të njohjes së zërit në shqip, duke e bërë gjuhën pjesë aktive të inteligjencës artificiale. Drejtori i Institutit Albanologjik, Fadil Grajqevci, theksoi rëndësinë e kësaj konference që përfshin pesë disiplinat kryesore albanologjike dhe shprehu mirënjohje për akademikun Rexhep Qosja, i cili vdiq së fundmi. Në këtë aktivitet u përmend edhe angazhimi i Republikës së Shqipërisë për të thelluar bashkëpunimin ndërinstitucional në fushat shkencore dhe dixhitalizimin e trashëgimisë kulturore shqiptare.