Kompania Meta ka prezantuar një funksion të ri të inteligjencës artificiale, të quajtur “Muse Image”, i cili lejon përdorimin automatik të fotove dhe videove të publikuara në profilet publike të Instagram për të krijuar imazhe të reja me ndihmën e AI-së. Ky opsion aktivizohet automatikisht për çdo profil publik, duke ngritur shqetësime serioze për privatësinë dhe sigurinë e përdoruesve, pasi fotot mund të përdoren pa njoftim dhe pa leje. Përdoruesit që dëshirojnë të mbrojnë përmbajtjen e tyre mund ta çaktivizojnë këtë funksion në cilësimet e Instagramit, duke ndaluar përdorimin e postimeve dhe videove nga AI-ja e Meta. Ekspertët e sigurisë kibernetike dhe privatësisë këshillojnë që kontrolli i këtyre opsioneve të bëhet sa më parë, sidomos për llogaritë publike, për të shmangur manipulimin e paautorizuar të imazheve personale.