Drejtori i Përgjithshëm i Policisë së Shtetit, Skender Hita, së bashku me drejtues të tjerë, vizitoi Qendrën Kombëtare të Monitorimit të Trafikut për të diskutuar përdorimin e teknologjisë inteligjente në monitorimin e trafikut. Qëllimi kryesor është që Policia e Shtetit të përfitojë pamjet nga kamerat dhe radarët funksionalë për evidentimin dhe ndëshkimin e shkeljeve të rregullave të qarkullimit rrugor, si dhe për rritjen e sigurisë publike dhe parandalimin e ngjarjeve kriminale. Drejtori Hita theksoi se kjo teknologji do të minimizojë kontaktin e drejtpërdrejtë të efektivëve me përdoruesit e rrugës, duke përmirësuar parametrat e sigurisë dhe imazhin e Policisë. Nga ana tjetër, Drejtori i ARRSH-së, Ami Kozeli, vlerësoi bashkëpunimin institucional dhe koordinimin ndërmjet institucioneve, duke theksuar rëndësinë e kalibrimit të radarëve në akset rrugore dhe tunele për të siguruar verifikimin dhe ndëshkimin e shkeljeve me masa administrative.