Kryeministri në detyrë, Albin Kurti, priti në zyrën e tij profesorin Ardian Jusufi, një studiues me famë ndërkombëtare në fushën e inteligjencës artificiale dhe robotikës së frymëzuar nga biologjia. Gjatë takimit u diskutuan mundësitë dhe hapat konkretë për avancimin e këtyre teknologjive në Kosovë, duke u fokusuar në potencialin që ofron sektori në Evropë dhe vendin tonë. Kurti vlerësoi arritjet shkencore të Jusufit, i cili është pjesë e mërgatës shqiptare dhe ka studiuar në universitete prestigjioze si Berkeley, Kembrixh dhe Harvard. Ai gjithashtu shprehu gatishmërinë për bashkëpunim me Jusufin, duke e konsideruar atë një shtyllë të rëndësishme për zhvillimin e Kosovës në të ardhmen.