Fakulteti i Medias dhe Komunikimit në UBT ka lansuar platformën “BE THE ONE”, një iniciativë inovative që mbështet studentët nga fillimi i studimeve deri te integrimi në tregun e punës. Kjo platformë krijon një urë lidhëse mes përgatitjes akademike dhe praktikës profesionale, duke u fokusuar në katër fusha kryesore: gazetari investigative, marketing digjital, gazetari sportive dhe showbiz. Studentët përfitojnë nga përvoja praktike në këto drejtime, duke zhvilluar aftësi të avancuara dhe duke u bërë të gatshëm për sfidat e industrisë mediale. Projekti është pjesë e programit të studimeve në UBT, i cili ndërthur teorinë me praktikën, duke i dhënë mundësi studentëve të punojnë në ambiente multikulturore dhe të zotërojnë gjuhë të huaja në nivel profesional.