Universiteti UBT po ndërmerr hapa të mëdhenj drejt transformimit digjital të arsimit duke zhvilluar platforma të integruara me inteligjencë artificiale. Rektori Edmond Hajrizi shpjegon se ky institucion po krijon një “Virtual Campus”, ku studentët mund të ndjekin mësimet në mënyrë virtuale, sikur të ishin fizikisht në amfiteatër, duke përfshirë edhe mundësinë e përdorimit të një “profesori virtual” të bazuar në AI, i disponueshëm 24/7 për mbështetje dhe shpjegime të personalizuara.