Ueb-faqja zyrtare e konsumatorit në Kosovë, konsumatori.rks-gov.net, është bërë cak i një sulmi kibernetik gjatë ditës së sotme, duke bërë që faqja të mos jetë funksionale për momentin. Ministria e Industrisë, Ndërmarrësisë, Tregtisë dhe Inovacionit (MINT) ka njoftuar publikun për incidentin dhe po punon për rikthimin e shërbimeve online në mënyrë të plotë. Deri në rikthimin e faqes, qytetarët mund të dërgojnë ankesat dhe kërkesat e tyre përmes emailit dhe Viber-it, duke përdorur kanalet alternative të komunikimit të ofruara nga Ministria. MINTI falënderon qytetarët për mirëkuptimin dhe nuk ka dhënë detaje të mëtejshme rreth natyrës së sulmit apo autorëve të mundshëm.