Në Vushtrri u zhvillua edicioni i ri i “Vushtrria Code Fest”, një festival i dedikuar teknologjisë, inovacionit dhe kreativitetit të të rinjve, organizuar në bashkëpunim me Innovation Academy. Të rinjtë prezantuan projekte në fushat e robotikës, programimit dhe inteligjencës artificiale, duke treguar talentin dhe përkushtimin e tyre për sfidat e së ardhmes. Kryetari i Komunës së Vushtrrisë, Ferit Idrizi, vlerësoi lart pjesëmarrjen dhe theksoi se investimi në të rinjtë dhe teknologjinë është investim i sigurt për të ardhmen e qytetit dhe vendit. Ai gjithashtu uroi sukses pjesëmarrësve dhe garantoi vazhdimin e mbështetjes për iniciativa të ngjashme.