YouTube ka nisur një iniciativë të re për të etiketuaar më qartë videot që janë krijuar ose modifikuar në mënyrë domethënëse nga inteligjenca artificiale. Etiketa e re do të shfaqet në mënyrë të dukshme poshtë luajtësit të videos për videot e gjata dhe si mbivendosje në videot Shorts, duke informuar shikuesit për përmbajtjen e AI-së. Përveç kërkesës që krijuesit të etiketojnë vetë videot e tyre, platforma ka implementuar edhe një sistem automatik zbulimi që identifikon përmbajtjen e krijuar nga AI, madje edhe nëse nuk është etiketuar manualisht. YouTube thekson se kjo masë nuk do të ndikojë në rekomandimet apo fitimet e krijuesve, por do të rrisë transparencën ndaj përdoruesve.