Çdo 14 qershor në mbarë botën shënohet Dita Botërore e Dhurimit të Gjakut, një ngjarje që synon të rrisë ndërgjegjësimin për rëndësinë jetike të dhurimit të gjakut. Kjo ditë nderon donatorët që me vullnet të mirë kontribuojnë në shpëtimin e jetës së të tjerëve, duke siguruar një furnizim të qëndrueshëm dhe të sigurt të gjakut, i cili nuk mund të zëvendësohet nga industria farmaceutike. Fushata e këtij viti thekson rolin e të rinjve në këtë proces jetik, duke i nxitur ata të jenë pjesë aktive në iniciativat për dhurime vullnetare pa shpërblim. Përmes kësaj dite, falenderohen gjithashtu profesionistët shëndetësorë dhe kërkuesit që punojnë për avancimin e teknologjive dhe përdorimeve të reja të gjakut në shërbim të shëndetit publik.