Një studim i fundit nga Instituti Nacional kundër Kancerit në SHBA ka zbuluar se marrja e aspirinës tri herë në javë mund të ulë ndjeshëm rrezikun e vdekjes nga disa lloje kanceri, përfshirë atë të gjirit dhe të fshikëzës së urinës. Studimi u realizua mbi 140 mijë persona, gra dhe burra, të cilët u ndoqën për më shumë se 13 vjet gjatë luftës së tyre me kancerin. Rezultatet treguan se ata që konsumuan aspirinë me këtë frekuencë kishin 30% më pak mundësi të vdisnin nga sëmundja. Ky zbulim i jep aspirines një rol të ri potencial si një ilaç shpëtues për disa lloje kanceri, duke hapur rrugë për trajtime të reja dhe më efektive.