Ministria për Punë, Familje dhe Vlerat e Luftës Çlirimtare i ka dhënë mirënjohje gazetarit Selim Miftari për raportimin e tij hulumtues mbi veprimtarinë e dyshimtë të Arianit Sllamnikut, i cili trajtonte fëmijët me spektrin e autizmit me preparate pa licencë mjekësore dhe në mënyrë jokompetente. Ky raportim nxori në pah përdorimin e barërave të papërshtatshme dhe veprimtarinë e paligjshme që po zhvillohej në Gjilan, duke sjellë reagim institucional dhe aktivizim të organeve të drejtësisë. Pas zbulimeve, zyra ku Sllamniku zhvillonte takime u mbyll, ndërsa hetimet vazhdojnë. Mirënjohja u dorëzua nga Këshilltari për Media i ministrit, Liridon Llozani, i cili theksoi rëndësinë e punës hulumtuese të Miftarit dhe e inkurajoi atë të vazhdojë angazhimin e tij gazetaresk.