Qindra nxënës dhe prindër nga e gjithë Kosova morën pjesë në aktivitetet Open Day të organizuara nga UBT International Smart Schools në kampusin e Lipjanit dhe në Gjimnazin TIK në Prizren, duke treguar interesim të jashtëzakonshëm për edukimin modern dhe inovativ. Vizitorët patën mundësinë të eksplorojnë ambientet bashkëkohore të mësimit dhe të njihen me drejtimet arsimore që ndërthurin teknologjinë me zhvillimin e aftësive praktike. Regjistrimet e hershme janë hapur, duke i dhënë nxënësve mundësinë të sigurojnë vendin e tyre në programet më inovative dhe të kërkuara. Gjithashtu, pjesëmarrësit u informuan për bursat që mund të përfitojnë përmes Testit Provues të Arritshmërisë dhe për mundësitë e shumta për zhvillim personal dhe profesional që ofron ky institucion.