Një studim i fundit ka identifikuar vendet ku burrat përballen më shpesh me rënie të flokëve dhe tullaci të trashëguar gjenetikisht. Spanja kryeson listën me 44.5% të burrave që kanë humbur flokët ose po përballen me rënie të tyre, ndjekur nga Italia, Franca, SHBA-ja dhe Gjermania. Fenomeni është më i përhapur në Evropë dhe Amerikën e Veriut, ndërsa predispozita gjenetike shihet si faktor kryesor, veçanërisht për ata që kanë prindër me këtë problem. Studimi u bazua në një anketë online me mbi 4 mijë pjesëmarrës nga vende të ndryshme, duke përfshirë edhe Zvicrën që renditet në vendin e 17-të me 38.53% të burrave të prekur.