Zyra Kombëtare e Auditimit ka zbuluar mangësi të mëdha në sistemin arsimor të Kosovës lidhur me mbështetjen e nxënësve me nevoja të veçanta. Raporti i auditimit evidenton se ekipet vlerësuese komunale nuk funksionojnë në mënyrë të qëndrueshme, ndërsa kapacitetet profesionale në shkolla janë të pamjaftueshme dhe shpërndarja e tyre nuk bazohet në analiza të nevojave reale. Problemet shfaqen edhe në monitorimin dhe koordinimin institucional, ku të dhënat në sistemin informativ nuk përputhen me situatën në terren. Auditorja e Përgjithshme thekson nevojën për një qasje më të koordinuar dhe të bazuar në nevojat e nxënësve, ndërsa ZKA ka propozuar 14 rekomandime për përmirësimin e situatës.