Mësimi tërëditor në shkollat e Komunës së Prishtinës do të zgjerohet këtë vit shkollor në katër shkolla të reja, duke përfshirë “Mehmet Gjevori”, “Afrim Gashi”, shkollën në Vranidoll dhe “Asim Vokshi”. Përveç zgjerimit, janë vendosur masa të reja për regjistrimin e nxënësve, ku çdo klasë do të ketë maksimum 30 nxënës dhe është pamundësuar regjistrimi i nxënësve nga komunat e tjera, në përpjekje për të rritur cilësinë e mësimdhënies dhe mësimnxënies.