Në kuadër të shënimit të Ditës Botërore të Shëndetit Oral, Ministria e Shëndetësisë ka rikujtuar rëndësinë e kujdesit për shëndetin e gojës dhe ndikimin e tij të drejtpërdrejtë në shëndetin e përgjithshëm. Shëndeti oral lidhet ngushtë me sëmundje kronike si ato kardiovaskulare dhe diabeti, duke ndikuar në cilësinë e jetës së qytetarëve. Ministria thekson nevojën për parandalimin e sëmundjeve orale përmes higjienës së rregullt, edukimit të vazhdueshëm, sigurimit të qasjes së barabartë në shërbime dentare dhe promovimit të ushqyerjes së shëndetshme. Qytetarët inkurajohen të praktikojnë zakone të shëndetshme si larja e dhëmbëve të paktën dy herë në ditë, përdorimi i fijeve dentare, kufizimi i sheqernave dhe vizitat e rregullta tek dentisti, pasi kujdesi për shëndetin oral është një investim për një të ardhme më të shëndetshme.