Komuna e Fushë Kosovës ka nisur punime për pastrimin dhe mirëmbajtjen e Parkut të Pishave në Sllatinë, një nga hapësirat më të frekuentuara rekreative në territorin e saj. Drejtoria e Shërbimeve Publike, me drejtues Izja Mjekun, ka monitoruar nga afër ecurinë e punimeve, duke theksuar rëndësinë e mirëmbajtjes së vazhdueshme të këtij parku. Komuna nxit qytetarët për bashkëpunim në ruajtjen e pastërtisë dhe mirëmbajtjen e hapësirave publike, duke theksuar se ky është një angazhim i përbashkët institucional dhe qytetar. Kjo iniciativë synon përmirësimin e kushteve për vizitorët dhe ruajtjen e bukurisë natyrore të parkut.