Komuna e Mitrovicës ka përmbyllur muajin me shpërndarjen e 90 shportave të mbeturinave për qytetarët që aplikuan në Drejtorinë e Mbrojtjes së Mjedisit. Kjo iniciativë synon reduktimin e hedhjes së mbeturinave në hapësira publike dhe rritjen e ndërgjegjësimit për mbajtjen pastër të lagjeve. Drejtoresha Arjeta Beqiri Hyseni theksoi se aktivitetet do të vazhdojnë dhe po bëhet evidentimi i zonave më të ndotura për të krijuar politika më efikase të menaxhimit të mbeturinave. Kjo nismë pritet të kontribuojë në krijimin e një mjedisi më të shëndetshëm dhe të përshtatshëm për jetesë në komunën e Mitrovicës.