Ministria e Arsimit dhe Shkencës ka hapur thirrjen për aplikim të bursave dedikuar studentëve femra në fushat e Shkencës, Teknologjisë, Inxhinierisë dhe Matematikës (STEM) në universitetet publike të Kosovës. Këto bursa synojnë të rrisin pjesëmarrjen e vajzave dhe grave në programe akademike strategjike, duke u ofruar mbështetje të veçantë edhe atyre nga komunitetet jo-shumicë, zonat rurale dhe me aftësi të kufizuara. Aplikimet bëhen online përmes platformës e-Kosova dhe konkursi është i hapur nga 8 deri më 22 qershor 2026. Ministria thekson rëndësinë e kësaj nisme për fuqizimin akademik dhe profesional të grave në sektorë kyç për zhvillimin e vendit.