Gjatë muajit të Ramazanit, Qendra e Studentëve në Prishtinë ka njoftuar ndryshime të përkohshme në oraret e mensës dhe hyrje-daljeve në konvikte për të lehtësuar organizimin e syfyrit dhe iftarit për studentët. Mensa do të ofrojë shujta të thata të paketuara gjatë syfyrit, të cilat mund të merren gjatë orarit të drekës në një linjë të veçantë ushqimi. Për iftar, për shkak të numrit të madh të studentëve dhe mbingarkesës së hapësirave, ushqimi do të shërbehet edhe në formë të paketuar, që studentët mund ta marrin me vete dhe ta konsumojnë në dhomat e tyre. Orari i hyrje-daljeve në konvikte do të ndryshojë duke lejuar hyrje nga ora 03:00 deri në përfundim të kohës së syfyrit, ndërsa pas Ramazanit do të rikthehet orari i mëparshëm.